मांया ख्वबि तिकि ननाच्वन
देछुना तःगु ताप्क्याय्
झ्वाँय् यानाः लः लुइथें
क्वाःगु फिसलय् निफुति�प्यफुति छुं मखुथें
हिचःति नं अथें�अथें गना वनाच्वन
ख्वबि नं अथें�अथें सुना वनाच्वन
मतिकुर्‍हाः काय�म्ह्याय्पिं
जःलाःखःलातथें
स्वकुमि जुयाः
इरुथिरु
उखेथुखे
वालाफ्वाला
खःथें�मखुथें
स्वःथे�मस्वःथें
छुं छुं हे मखुला धइथें
म्हभासं सी दु
व खः
ख हे खः
मखंछु पहः
मांया हिचःति हायाच्वंगु हे दु
मांया ललःमलः धाःगु ख्वबि तिकि ननाच्वंगु हे दु
व ख्वबि
व हिचःति
गन सितिं वनी ल्याः?
फिसः दुने दुने क्वानाः ग्वारा कायेफु
गुनुहुं�गुनुहुं न्वयाः ग्वानाः ब्वाला कायेफु
छन्हु
ब्वाला काय जुयाः
मिजला म्ह्याय् जुयाः
न्हूपिं बुइतिनि व हे फिसलं
तिकि नंगु मांया ख्वबि
हायाच्वंगु मांया हिचःति
मिलः जुयाः खुसिबाः वइतिनि
मिखा दुपिं त्वर्कांतय्त चुइकीतिनि
धाथें नं वइतिनि
मिलः बाःवइतिनि