पुनर्जन्म
- रासा
आकाझाकां
दुर्घटनाय् लात
अले, उघरिमय् मंत जि।
जिगु मृत्यु लिपा
ख्वल सकलें
(सुं न्हिल नं जुइफु !)
जिमि जहान विधवा जुल ख्वल
जिमि म्ह्याय् टुहुरी जुल ख्वल
जिमि काय टुहुरा जुल ख्वल
अले, मेमेपिं नं ख्वल।
अय्नं ........................
आपुलुक दना जि
अनन्त न्ह्यलं।
जिगु पुनरागमन लिपा
न्हिल सकलें
(सुं ख्वल नं जुइफु !)
जिमि जहान हानं सधवा जुल न्हिल
जिमि म्ह्यायं अभिभावक नापलाकल न्हिल
जिमि कायं अबु लुइकल न्हिल
अले, मेमेपिं नं न्हिल।
(सके
जि
इमान्दारम्ह भाःत
व
जिम्मेदारम्ह अबु जुइमफुत कि !)
यद्यपि
जिं पुनर्जन्मय् विश्वास मयाना
तथापि
हानं जन्मेजूगु हे खः जि थबलय्
आः ................................
